CLASSIC ROCK með Magna og Stebba Jak
Drengirnir ætla að flytja margar af stærstu perlum
rokksögunnar með einvalaliði hljóðfæraleikara. Flutt
verða lög hljómsveita á borð við, Led Zeppelin, Deep
Purple, Queen, AC/DC, Jimi Hendrix, Kiss,
Radiohead, Pink Floyd og
svo miklu miklu meira en það!
Classic Rock leikur á upphafskvöldi Hammondhátíðar
2023, fimmtudaginn 20. apríl.
Meðlimir:
Magni Ásgeirsson - söngur og
gítar: Stefán Jakobsson - söngur
Einar Þór Jóhannsson - gítar
Ingimundur Óskarsson - bassi
Ólafur Hólm - trommur
Þorbjörn Sigurðsson -
hammondorgel
SVAVAR
ORGAN TRIO Stofnandi Hammondhátíðar
Djúpavogs og heiðursgestur 2023, Svavar Sigurðsson, kemur fram með
hljómsveit sinni Svavar Organ Trio á hátíðinni í ár. Það er mikið
tilhlökkunarefni að fá Svavar aftur heim því hann hefur ekki komið á
Hammondhátíð síðan 2012, þegar hann stýrði sinni síðustu hátíð.
Það má sannarlega búast við bæði ljúfum og organdi Hammondtónum
þegar þeir félagar stíga á svið!
Svavar Organ Trio leikur á föstudagskvöldi Hammondhátíðar 2023, 21.
apríl
200.000 NAGLBÍTAR
Norðlenska tríóið 200.000 naglbítar var stofnað árið 1993.
Upphaflega hét hljómsveitin Gleðitríóið Ásar og hún sigraði í
Glerárvision á Akureyri árið 1993. Gleðitríóið Ásar varð síðar Askur
Yggdrasils en nafnið 200.000 naglbítar var að lokum tekið upp.
Nafnið kemur úr Atómstöðinni eftir Halldór Laxness.
Hljómsveitin hefur gefið út þrjár breiðskífur, þá síðustu árið 2003.
Árið 2008 gaf sveitin út tónleikaplötu sem tekin var upp með
Lúðrasveit verkalýðsins. Sveitin hefur gefið út allmargar smáskífur
síðan síðasta breiðskífa kom út þannig að hver veit nema ný
breiðskífa líti dagsins ljós á næstu misserum.
Það eru fáar sveitir jafn öflugar og gefandi á sviði og við getum
lofað brjáluðu stuði þegar þessir herramenn mæta á Hammondhátíð. Við
hlökkum allavega sjúklega mikið til.
200.000 naglbítar leika á föstudagskvöldi Hammondhátíðar 2023, 21.
apríl.
Meðlimir:
Vilhelm Anton Jónsson - söngur og gítar
Kári Jónsson - bassi
Benedikt Brynleifsson - trommur
HJÁLMAR Ekkert band hefur komist nálægt
því í sögu Hammondhátíðar að fylla kofann jafn rækilega og Hjálmar.
Það var ógleymanlegt kvöld og nú, 12 árum síðar, erum við í skýjunum
með að bjóða gestum Hammondhátíðar upp á endurkomu þessarar mögnuðu
hljómsveitar á hátíðina.
Hjálmar hafa verið ein virkasta og afkastamesta hljómsveit landsins
síðan hún var stofnuð árið 2004. Eftir þá liggja fleiri slagarar en
unnt er að nefna og fjölmargar breiðskífur. Hjálmar á tónleikum er
svo sér kapítuli út af fyrir sig, það er einfaldlega ótrúleg
upplifun sem lætur engan ósnortinn.
Hjálmar leika á laugardagskvöldi Hammondhátíðar
2023, 22. apríl.
Meðlimir: Þorsteinn Einarsson - söngur og gítar Sigurður Guðmundsson -
söngur og Hammondorgel Valdimar Kolbeinn Sigurjónsson - bassi Guðmundur Kristinn Jónsson -
gítar Helgi Svavar Helgason -
trommur
FARA EFST Á SÍÐURAGGA GÍSLA Loksins getum við boðið gestum
Hammondhátíðar upp á þjóðargersemina Röggu Gísla. Það er búinn að
vera draumur okkar til fjölda ára.
Ragga hefur verið órjúfanlegur partur af íslensku
tónlistarlífi síðan hún kom fyrst fram á sjónarsviðið undir lok 8.
áratugar síðustu aldar. Lummurnar, Brunaliðið, Stuðmenn, Grýlurnar -
bara svona til að nefna eitthvað. Hún mun leiða okkur í gegnum
þennan magnaða ferli á tónleikum sínum í Djúpavogskirkju.
Ragga Gísla leikur á lokatónleikum Hammondhátíðar 2023, sunnudaginn
23. apríl.
Meðlimir: Ragnhildur Gísladóttir - söngur Tómas Jónsson - Hammondorgel
Guðni Finnsson - bassi
Magnús Magnússon - trommur